金泰園 (已結業)

今日同太太去了友爱，当时已经晚上九点，见佢未关门所以就入咗去食。点左马拉盏炒通菜、蟹肉炒饭和泰式金边粉，每样都系$68。可能因为人少，点菜后5分钟，就已经有炒通菜。通菜系炒得好食同埋翠绿，不过呢啲味道系由蒜头和大量既油炒出来。出街食就预咗冇屋企自己煮咁健康㗎啦。蟹肉炒饭都几大碟，不过仲有一旧旧饭，明显炒得唔够均匀，同埋蟹肉都有少少壳。炒金边粉虾都大只嘅，味道酸酸甜甜。不过我自己就唔太钟意食，因为始终觉得太湿，我钟意干炒。食物份量算大，所以加两蚊要咗个外卖盒，环保啲唔好浪费食物。第二日整返热嚟食，竟然系炒金边粉好食过蟹肉炒饭。