飲嘢 (已結業)

大埔烧完野食出返黎市区，当然要食埋糖水或者饮埋杯野先叫功德圆满啦！行下行下入咗呢间装修非常骨子嘅路边小店。由于时间尚早，人流唔多。暗暗灯光，悠扬音乐，倾计谈心都零舍舒服。以台式饮品为主，种类繁多，实在花多眼乱。最后拣咗招牌饮品－符碌茶。符碌茶者，Fruit茶是也。起初都有少少担心会味道古怪，因为坊间实在太多怪味果茶…但招牌饮品㖞，就试试佢！好好彩，符碌茶足料不特止，味道仲非常之夹，酸中带甜，真系啱晒BBQ食滞咗嘅我！食埋杯入面嘅生果，BBQ放肆之夜终于都冇咁大罪恶感！睇真D原来用左青柠去调味， 所以就算焗得耐都唔会有柠檬既太多苦涩，同埋特有既青柠酸系同柠檬唔同，清甜之余少少酸好鬼解腻。 成只杯有成大半LITRE，食完野过黎想饮晒都唔系易事， 因为真系好大杯！