勝興茶室

营业中

休息中

好耐冇見的朋友, 相約離島hea行,  hea之前就當然要先醫肚啦, 今日揀咗呢間在坪洲頗有歷史的勝興茶室, 裝潢似老一輩的茶居, 還用點心車仔賣點心, 好似我呢啲想懷舊一吓茶居風味的老餅, 不妨嚟飲杯茶食個包。蝦餃 ~ 粒粒脹卜卜, 皮薄餡靚, 蝦餃都幾爽滑, 味道不錯。牛肚 ~ 夠淋滑, 辣辣地, 夠惹味。馬拉糕 ~ 鬆軟, 冇鹼水味, 甜度適中, 我的至愛。腸粉 ~ 喜歡佢哋嘅腸粉皮, 厚度適中, 微彈唔黐牙, 腸粉豉油調得好味。