名點屋

营业中

休息中

疫情时候好多酒楼都唔开, 所以好耐无去过饮茶喇, 今日同屋企人去 ❥⧽名点屋 ❥⧽ 饮茶。餐厅有一部分系卡座位, 另一部分系普通座位, 坐嘅位置都偏狭窄。𓊈咖喱鱿鱼𓊉咖喱汁超级香浓, 鱿鱼好入味, 唔会咖哩汁还咖哩汁, 而且鱿鱼好软腍, 真心推荐!𓊈蟹籽烧卖王𓊉烧卖大大粒, 爽口弹牙, 食到有虾肉。𓊈酥皮叉烧包𓊉酥皮叉烧包好好食呀! 外皮好酥脆, 而个包好软熟, 加埋里面d 肥瘦适中嘅叉烧一齐食, 真系好好食!𓊈鲜虾腐皮卷𓊉腐皮卷炸得麻麻地, 外皮嘅粉有d 厚而且唔脆, 馅料太碎, 混合咗太多配料反而无乜虾肉。𓊈沙律炸云吞𓊉同传统嘅炸云吞有少少唔同, 面层舖满好澎湃嘅鲜果沙律, 而炸云吞卜卜脆, 热辣辣咁食系好食嘅。✧✧ 整体食物都几好呀, 值得再去。