影片
更多
2022-10-21
22 浏览
一直都好想嚟试下呢间由「夏雪」班底开设嘅「f1rst crack coffee」，可惜每次就唔啱时间，碰巧今日要嚟半山办事，择日不如撞日，就一于趁空档过去食个 tea。店舖位于嘉咸街，门面以白色为主调，内里地方不大，装潢简约，设有实木长条凳及吧台位，好适合一个人嚟叹杯咖啡。点咗件蛋糕，再加咗杯饮品同甜品。Yuzu Espresso Tonic ($60)，咖啡汤力混合了柚子蜜和柚子颗粒，入口味道不错，微苦带甜，冰凉中更夹杂著点点刺激气泡，好易入口，秋日品尝就最适合不过。Buzzed Tiramisu ($80) 杯 Tiramisu 卖相很吸引，用 Martini 酒杯盛上，外形十分讨好。食落味道亦很有惊喜，Mascarpone 软绵细滑，微甜得嚟更带淡淡奶香；加上手指饼浸得够湿润，配合面层嘅可可粉，整体口感非常 Creamy，虽然定价有点进取，不过讲真，真系好耐无食过咁高质嘅 Tiramsu！Tieguanyin Crumble Pound Cake ($55) 件蛋糕都几厚身，望落去好有份量，面头洒满了碎粒，卖相比预期吸引。食落水准唔错，有 grainy 同扎实口感，但又唔会过
一直都好想嚟试下呢间由「夏雪」班底开设嘅「f1rst crack coffee」，可惜每次就唔啱时间，碰巧今日要嚟半山办事，择日不如撞日，就一于趁空档过去食个 tea。
店舖位于嘉咸街，门面以白色为主调，内里地方不大，装潢简约，设有实木长条凳及吧台位，好适合一个人嚟叹杯咖啡。
点咗件蛋糕，再加咗杯饮品同甜品。
Yuzu Espresso Tonic ($60)，咖啡汤力混合了柚子蜜和柚子颗粒，入口味道不错，微苦带甜，冰凉中更夹杂著点点刺激气泡，好易入口，秋日品尝就最适合不过。
Buzzed Tiramisu ($80) 杯 Tiramisu 卖相很吸引，用 Martini 酒杯盛上，外形十分讨好。食落味道亦很有惊喜，Mascarpone 软绵细滑，微甜得嚟更带淡淡奶香；加上手指饼浸得够湿润，配合面层嘅可可粉，整体口感非常 Creamy，虽然定价有点进取，不过讲真，真系好耐无食过咁高质嘅 Tiramsu！
Tieguanyin Crumble Pound Cake ($55) 件蛋糕都几厚身，望落去好有份量，面头洒满了碎粒，卖相比预期吸引。食落水准唔错，有 grainy 同扎实口感，但又唔会过干，而且每一啖都可以尝到铁观音嘅香气，沾上旁边嘅有机芒果酱吃，更添美味。
张贴
