茶墨 (已結業)

呢间店舖将日式和风注入台式饮品𥚃面，选用由日本🇯🇵同台湾🇹🇼入口嘅茶叶同食材，用上独家专利嘅六段式萃茶机，令大家品尝更香醇顺口嘅茶。茶饮主要分为「墨」、「茶」、「乳」、「果」四大系列🍵💗麻糬芋泥茉莉鲜奶绿 ($39)以芋泥绘画水墨纹理，绵密芋蓉保留咗少少芋头粒，令口感更丰富，甜度亦啱啱好🍠鲜奶绿用上法国牛奶，绝不用奶精，味道自然，不过奶香唔够浓郁。反而绿茶中嘅茉莉花香好突出，感觉相对清新怡人🌼底下有自家制奶味麻糬粒，细嚼烟韧软糯，带出淡淡嘅糯米香🍡💗士多啤梨雪糕奶昔($48)士多啤梨味好重，饮落唔会似药水，酸酸甜甜咁🍓 虽然将士多啤梨雪糕加入新鲜牛奶打成，但奶香唔够浓郁🥛反而有d 沙冰嘅口感，冇咗本身预期个种醇厚，饮到尾冰溶就变淡咗。连埋面头嘅厚层忌廉搅拌，质感会更香滑🍧💗梳芙厘芝士蛋糕($34)蛋糕口感松软绵密，奶味同蛋味香浓之余，仲有淡淡忌廉芝士幽香🧀相对普通芝士饼较为轻盈健康，唔会太腻太甜。只系质素同A1- Bakery 个款经典圆形蛋糕冇乜分别，所以惊喜较少🍰