喜悅軒酒家 (已結業)

晚上七点，隔离金满庭既二人枱要等位，于是去左呢间好多空枱既酒楼食饭，果然系中伏既先兆。大概7:15落单，叫左个龙虾孖宝，1.芝士焗龙虾伊面底2.清汤浸时蔬，价值$348。问题一：伙计冇认真跟单拣呢间餐厅，系因为唔想等位，期望能快快医肚。但愈等愈唔对路，连碟简单既烚菜都冇影。于是催左几次，喺半个钟后先有个女经理跟进，发现原来冇落过单。问题二：价钱贵、分量少接近八点先上菜，发现碟芝士焗龙虾的分量好少！虽然佢卖$348，但我怀疑佢只有半只，或者一只迷你龙虾仔！食到龙虾壳多过食到啲肉。伊面则勉强分到四碗。至于碟青菜，如佢既菜名一样系普通野，冇期望。埋单连茶位加一盛惠408元。而我只食左一碗半伊面同几条菜。同样价钱，喺同一个商场已经有好多选择，绝对冇下次。