鳳城皇宴 (已結業)

每两个月点都会嚟三圣食一次海鲜，以前例牌系 “ 发 记 ” 买料 “ 棠 记 ”煮，刚巧今次棠记无得订七点，榕龙又满咗，唯有试新野：“ 凤 城 ”！ 太子同尖东就去得多，必食炸子鸡同西米布甸 …… 海鲜加工？好似九唔搭八，不过，天生有冒险精神既我，当然唔怕喇 …… 去到发记，口痕叫咗只三斤龙虾，加埋其他六七种海鲜，埋单 $3000，合理喇！ 去到凤城，加工只系 $1300，正常偏低㖞！ 如果唔计汤料，只需 $1000，咁就真系好抵、好抵、好抵！平还平，都要好食先得㗎 …… 得！真系好得：蒸带子、炒蛏子无过火，辣酒花螺汤头风味十足，豉油王中虾、上汤龙虾、椒盐赖尿虾、羌冲蚝 …… 全部都高水准！ 差点想同经理讲：「唔该，帮我叫大厨出嚟表扬一下！」服务同环境方面亦非常好，经理招呼主动，姐姐细心又勤力，加上态度亲切，唔迫、唔嘈、唔会催你埋单。 最后，当然要有莲蓉西米布甸做甜品喇，大满足！以后去三圣买完海鲜就直接嚟凤城，唔使稔喇 ……P.S. 泊唔到商场停车场就去泳池停车场，距离约五分钟脚程，$8 /30分钟。