自家製韓國刀削麵 (山林道)

营业中

休息中

寻日晏昼去咗尖沙咀，肚饿揾嘢食，又唔知食咩好，行行吓见到黎间韩国刀削面店，觉得几特别就入去试吓，初初见到d图片，觉得碗面好大碗会食唔哂，当时都肚饿，就叫咗1份花蛤刀削面餐，1份烧海鲜韭菜烧饼，再加咗4只双拼蒸饺，2个人食，一坐低就有1碟泡菜，面到咗既时候，闻到浓浓花蛤香味，汤既味到真系刚刚好，唔会太浓，但又好香花蛤味，我本身几细食既，我就谂住面我食少少，留多d俾我大食既老公，点不知，碗面食落好好味，面质好烟烟韧韧，汤底真系超好饮，我用当时坐低俾个碟泡菜送面都忍唔住食多咗😆😆，烧饼又系好好味，热辣辣脆卜卜，海鲜加埋韭菜，食落口好丰富感觉，其实饺子系因为我老公同我share咗面佢唔够饱，后加既，本身我自己都好钟意食饺子所以我地就叫咗4只了，大胆尝试，都惊食唔哂架😅😅太好味了，最终当然食哂啦！个d饺子大细适中啖啖肉😋😋今餐真系好满足，但因为太肚饿关系，最后净系影咗1张相咋，仲要俾我老公夹走咗1只啰😆😆下次一定会叫埋朋友一齐去试，好味味，服务态度又好好，加分👍🏻👍🏻