囍 (已結業)

来到香港仔食lunch, 谂住揾间新野试下，见食评（好似）不错所以去左呢间。呢排天气冻冻地所以叫左牛肉寿喜烧，满心欢喜谂住食个热腾腾的牛肉寿喜烧＋白饭，暖在舌头后再暖在心头。可是，我错了…我真的错了….佢一放低，我首先呆左呆，点解寿喜烧下面无火烧住既？算，唔紧要，我谂可能里面的汁／汤够热呢？我又错了….望一望碗野，上面一层红当当的生牛肉，旁边系一只全生既蛋。再深入研究一下，咦？ｄ汁／汤唔系滚既？当你将冻既生牛肉同一只生蛋放落一碗唔热的汁／汤里面，学过常识既小学生都应该能告诉你咁样做系会令成碗野温度大大下降，佢地亦都应该可以告诉你进食未煮熟的食物好易出事的。我冒住生命危险试下ｄ仅仅变左色既牛肉，好 un……… 谂谂下实在唔值得用我生命去博去食佢d牛。好。我食菜，无死喇挂？我再三……..错了。菜，是酸的。当时我真系好饿，但我硬著头皮食左三分一已经好想呕，真系顶唔顺。我上面一路写系用汁／汤，因为我根本唔知佢想碗野系点。话佢汁佢又唔够浓，话佢系汤佢又太咸。总之乱七八糟，一塌糊涂，不知所谓。最后好想多谢读者睇到呢度，我写到都惊心动魄因为从来无食过咁难食既野。我真系好希望有时光倒流，令我从来无入过