影片
更多
2020-05-16
234 浏览
由于最近打开食评，真系好想记录一下一月头某一个星期日中午同女朋友去咗大坑食lunch嘅体验。点解隔咗几个月我仲印象咁深刻？你睇埋落去就知道喇...。女朋友话贪大坑静静地，感觉好Chill咁。女友见呢间餐厅晚市比较贵，但Weekend晏昼都有做Set，所以就捉咗我黎试下。餐馆非常细间，啲枱凳分开睇就几靓，但唔同款式摆埋一齐，感觉好奇怪，唔搭调。唔知系咪我哋太早出没，餐厅得我哋一台客，去到差唔多点半我哋食完之际，先有另一位客人出现。餐厅得一个厨同一个男店员，佢地明明唔系好忙，但都好似唔多想招呼我哋咁。佢个lunch set连餐汤或者沙律都冇，只系叫做跟杯热饮，感觉有啲揾笨。我哋都等左阵先有得食，虽然服务麻麻，但心里面都抱住啲期望嘅，觉得应该唔错，因为网上见到好多好评同埋啲食物图几靓。我哋叫咗一碟Risotto同一碟Pasta。唔好话我马后炮，一上碟我就已经觉得碟意粉超唔掂，因为啲意粉煮到发胀晒，望见都知唔好食。而实际放入口更比我想像中仲难食，因为连个所谓龙虾汁都不知所谓，完全唔咸，仲粉粉地。至于只西班牙红虾，得壹只，懒系矜贵过乜咁，唔讲真系以为你比龙虾我啰。唔系龙虾唔紧要，但只虾霉嘅，我直
我哋都等左阵先有得食，虽然服务麻麻，但心里面都抱住啲期望嘅，觉得应该唔错，因为网上见到好多好评同埋啲食物图几靓。我哋叫咗一碟Risotto同一碟Pasta。唔好话我马后炮，一上碟我就已经觉得碟意粉超唔掂，因为啲意粉煮到发胀晒，望见都知唔好食。而实际放入口更比我想像中仲难食，因为连个所谓龙虾汁都不知所谓，完全唔咸，仲粉粉地。至于只西班牙红虾，得壹只，懒系矜贵过乜咁，唔讲真系以为你比龙虾我啰。唔系龙虾唔紧要，但只虾霉嘅，我直头吐都吐唔切。
至于碟意大利饭，喺有对比嘅情况下，佢正常好多，起码啲饭唔使吐。但我想讲佢旧鹅肝又系世界级唔掂，我谂连街坊串烧店如果有卖鹅肝嘅话，都一定好食过佢。因为我从未食过实心嘅鹅肝啰，佢连油都唔多滴，更加唔好讲佢有入口即溶嘅效果。我够胆讲如果我认真煮嘢食，水准都一定好过佢。我女朋友今餐只系每样食咗两啖就停手，佢冇特别出声讲，但睇佢嘅反应我就知道系唔好食。可能因为间餐厅系佢拣，所以佢唔敢即时发我脾气。事后我问返佢，佢都话好难食，仲叫我唔好嬲佢。自从帮衬过依间餐厅之后，我哋都攞佢嚟做Benchmark，比较下好唔好食。暂时佢仍然系可以保持咁金身不败😆。
张贴
