肉骨皇 (已結業)

如果唔系住喺大坑嘅亲戚提一句，都唔知道呢条街嘅尽头有间正宗肉骨茶食。一坐低老板已经热烈推荐我哋嗌肉骨茶，咁既然佢间野个名叫肉骨王当然要试吓佢嘅手势啦，一上枱开火出烟𠮶一下，肉骨茶嘅味已经强烈涌入。以前从来都唔钟意食新加坡𠮶只肉骨茶，因为胡椒味太重基本上都食唔到其他味道，反而马来西亚𠮶只重药材味嘅肉骨茶就非常喜欢，以呢度嘅就系马来西亚𠮶种。药材味真系超级浓郁，一睇个颜色就知道，肉质亦都非常软稔，所以成煲俾我哋清晒。海南鸡亦都系佢令一个出名嘅菜式，其实我就唔系好钟意食有鸡皮嘅鸡，不过佢软滑嘅鸡肉其实真系几好味，我都知食海南鸡吃鸡皮系会畀人闹㗎喇不过都系会照去鸡皮架哈哈。呢个炒萝卜糕真系极度推介，酱汁甜甜地，炒到非常入味，而且一口嘅size好适合女士食，一入口即溶嘅感觉真系非常好。最后系甜品，呢个加吔焗面包砖，个包真系冇得顶外脆内软而且超级松软，加埋少少甜既加吔真系冇得顶！不过我哋𠮶日系平日去所以老细话有时间整呢个甜品，如果系星期六日去嗌嘅话可能唔会冇㗎，因为系限量嘅而且功夫非常多，所以想食嘅朋友记得早啲打去订又或者平日先去食啦！