博多·爐端燒

营业中

休息中

因为疫情相信有一段时间唔可以去日本旅行，但系又挂住日本嘅美食。尖沙咀【博多·炉端烧】系专食日本博多嚟嘅美食，师傅亦系当地人，所以非常了解正宗博多地道菜式。先来六款前菜，六款前菜会因应时令而作出不同，所有食材都系根据博多食材入口已决定，所以一定系最好最新鲜。炉端烧有烧生蚝、博多鸡翼、粟米、青椒、博多烧猪肉、明太子酿青鱼、盐烧鲷鱼、烧鱼饼。仲有辛味噌烧饭团同埋梅子烧饭团。每样都好好味，好有深刻印象，烧蚝超新鲜好有海水味。博多鸡翼就系鸡肉超嫩滑，而鸡皮超薄烧得金黄香脆。盐烧鲷鱼及明太子酿青鱼就食得出师傅嘅功夫。烧鱼饼同埋博多烧猪肉都好惹味。两个饭团就烧得好有咬口，外面有少少焦香用紫菜包住嚟食，食到停唔到口。最后甜品系wasabi雪糕同埋红豆配博多年糕，两个甜品都唔系有好多地方食得到，而且甜度适中，为呢餐点上完美句号。