影片
更多
2017-05-29
7293 浏览
系好耐好耐之前⋯仲好细个既屈小姐已经听过佢既大名啦⋯就系台湾远道而黎既《程班长》，好记得佢当时风头一时无两，分店愈开愈多，不过素闻就质素一般，而当时我地梗系无试过啦！时至今日，有赖生既出现，陪伴左屈小姐以后既(美食)人生，而屈小姐又知道赖生其实都钟意食台湾野，所以佢谂起《程班长》呢位转校生！屈小姐research 完发现《程班长》剩番一间，而且大受欢迎！所以佢就胆粗粗带埋赖生黎试啦！一黎到，入面已经好多人，但我地真系好好彩，居然唔驶等位（但我地食完发现外面好多人等紧位），我地就急不及待坐低研究下叫咩食啦！虽然呢，呢度环境嘈D逼D，又要同人搭枱，但呢度既各位人员都招呼好好嫁！我地2小口夹埋叫左5样野，赖生(同屈小姐)实在太大食啦先黎一碗招牌货：1） 红烧半筋半肉面：5星 食牛肉面最紧要正宗！《程班长》你一定冇拣错！事关呢度无论牛肉，汤头同面都做得好有古早味好地道果然系转校生汤头： 食得出既浓郁！肯定每日新鲜整，用左好多牛肉牛骨先整到出黎！啖啖浓郁牛肉味连带微微既辣味，食完唔会口渴，可见系冇用味精，真系极品！面：面系最不得不赞既地方！条条都Q弹，用既系扁阔关庙面！好正宗！而且好吸味，条条都
时至今日，有赖生既出现，陪伴左屈小姐以后既(美食)人生，而屈小姐又知道赖生其实都钟意食台湾野，所以佢谂起《程班长》呢位转校生！屈小姐research 完发现《程班长》剩番一间，而且大受欢迎！所以佢就胆粗粗带埋赖生黎试啦！
一黎到，入面已经好多人，但我地真系好好彩，居然唔驶等位（但我地食完发现外面好多人等紧位），我地就急不及待坐低研究下叫咩食啦！
虽然呢，呢度环境嘈D逼D，又要同人搭枱，但呢度既各位人员都招呼好好嫁！
我地2小口夹埋叫左5样野，赖生(同屈小姐)实在太大食啦
先黎一碗招牌货：
红烧半筋半肉面
$52
96 浏览
2 赞好
0 留言
食牛肉面最紧要正宗！《程班长》你一定冇拣错！事关呢度无论牛肉，汤头同面都做得好有古早味好地道果然系转校生
汤头： 食得出既浓郁！肯定每日新鲜整，用左好多牛肉牛骨先整到出黎！啖啖浓郁牛肉味连带微微既辣味，食完唔会口渴，可见系冇用味精，真系极品！
面：面系最不得不赞既地方！条条都Q弹，用既系扁阔关庙面！好正宗！而且好吸味，条条都吸满牛肉味！正
牛肉/筋：牛肉味出，肉淋，牛筋淋滑！高手
整体黎讲，呢碗面堪称系香港(暂时我地食过)最好食既台湾牛肉面
再黎一碗赖生至爱：
卤肉饭
$28
77 浏览
0 赞好
0 留言
老实讲呢碗卤肉饭都唔错既！卤肉瘦得黎入味带甜，又有油香，拌饭一流！可惜味道仍系未够浓烈，冇让赖生想追加既魔力！如果饭换上珍珠米会更正！
跟住再黎：
芝士粟米蛋饼
$35
101 浏览
0 赞好
0 留言
呢位朋友呢就⋯睇得唔打得，睇图你会觉得好好食，芝士又流心，饼皮又酥脆，又塞满粟米！但系呢⋯⋯得个样嫁咋！食落去唯一一样就系个饼有小小酥脆感，芝士味，粟米味，蛋味都唔够出，只系食到芝士既味道，蛋同粟米系0存在感，之但系⋯芝士味都唔够浓又唔够流心/热⋯)⋯⋯！
下一位同学就系 ：
葱抓饼
$20
77 浏览
1 赞好
0 留言
呢位同学望落就样衰衰，冇乜料好平淡咁，但佢系出奇地正宗！出奇地好食既呢 ！饼皮食落比蛋饼更酥更更更脆，班长佢整饼既功力好高深呀！最醒既系咩呢？班长落左少少椒盐，钓起晒个味！正爆！
最后一位系：
蚵仔煎
$35
70 浏览
0 赞好
0 留言
蚵仔系屈小姐同赖生都好钟意既食物！所以蚵仔煎系必点既呢！呢度个蚵仔煎都好足料，用左生菜底，所以食落都好有口感同唔会咁漏！面头既酱够浓郁，甜得黎带少少辣！蚵仔又劲肥！中间又烟Un! 仲加上有啲蛋味！ 唔错唔错，不过再多D蚵仔呢⋯⋯我就比埋果半星你啦
总结：
呢度真系好有台湾风味！你见到每位客人上黎都系为左美食！同台湾人超似！加上每位工作人员用心招待，虽然座位逼要搭枱，但你总会感受到大家食到美食既快乐！ 所以We will be back! 《程班长》你要努力继续照顾好其他同学，我地随时会黎探你嫁！
#跟住队长揾食实冇错
#台湾既味道
#与妳食好西既快乐
#多谢妳照顾我既胃口
#大食既赖生&屈小姐
#冇得食甜品既赖生
#四围揾食
张贴
