一茗堂 (南山商場) (已結業)

旧时读城大都好钟意黎南山村食饭，系一个满满回忆既地方。今次再黎返南山村，估唔到有西餐，再唔系只系得茶餐厅。餐牌都好多选择，最后想挑战下屋村餐厅锯扒。其实最主要原因系因为价钱唔贵，$118 有9oz钮西兰肉眼扒。先黎系番茄汤配香草包好浓厚既番茄味，唔系平时d普通西汤，再浸个香草包落去好夹。主菜一黎到好香，肉汁几多整得啱啱好，同佢系用菇黎垫系肉底，d菇吸晒d肉汁真系坚好食。$118 CP值真系几高。饮品我就用半价加左个焦糖脆脆鲜奶咖啡。咖啡同脆脆都好味，问个楼面，佢话d脆脆系佢地自己整。加分整体黎讲食物好好，睇到佢地系d细节位有花心机。无因为价钱平就求求其其。