金船長餐廳 (已結業)

香港人食野除左讲求味道外,创意亦都不可缺少。今次就试下呢间金船长餐厅睇下可唔可以发掘到啲新鲜野!餐厅装潢以船为主题,以配合返个餐厅名,餐厅内宁静得黎带点热闹,唔会觉得一切冷冰冰,又可以舒舒服服咁食饭。侍应服务亦好好,好耐心咁向我地推介食物!我地每人叫左个餐再加黑松露批萨+焗广岛蚝,汤有得拣红汤同白汤,我地拣左白汤试下。汤比我预期中稀好多,味道亦偏淡,但尚可接受。黑松露批萨就好有特色,佢跟埋少少温室豆苗同埋蓝莓酱。店员同我地讲呢个批萨有3款食法,分别系就咁食,夹住啲豆苗食同点蓝莓酱食。就咁食可以食出黑松露嘅香,夹住豆苗食就会带俾你一种清新嘅感觉,加上外层脆脆地,令你食落更有口感,点蓝莓酱会有少少甜品嘅风味,但蓝莓+黑松露效果好夹,三种食法带俾我三种感觉,好出色嘅一个菜式!焗蚝就显然比黑松露批萨冇咁出色，可能系黑松露批萨太正啦！主菜我叫左个法式焗纽西兰金师鱼,金师鱼肉质好有层次, 鱼上面铺满香脆可口嘅炸面包康,瞬间提升口感。蕃茄汁无论配鱼食抑或配饭都系绝配,开胃得黎有点新鲜感觉,伴碟亦有各式各样新鲜蔬菜,照顾你每日营养所需!甜品则是橙味梳乎厘,虽然本人唔系太好甜品,但呢个梳乎厘甜度恰到好处