Greyhound Café (黃埔天地) (已結業)

食泰国野，除左谂起九龙城，仲会谂起GREYHOUND。系红磡想食泰国野，近近地就去左黄埔的GREYHOUND。黄埔分店都系第一次去，舖面都好大，去的时候刚过了晚饭的繁忙时间，餐厅唔算多人，坐得好舒服。MENU的选择一如以往，选择好多，每样都好吸引似的。香煎鹅肝芒果沙律睇个卖相摆盘就做得麻麻地，鹅肝比较薄身，但煎得都好香，食落好CREAMY。香辣猪肉炒椰菜苗食泰国菜必点的椰菜苗，炒得好爽口。而且用左半肥的猪肉粒去炒，令到有点猪油的香味，加埋微辣的调味，特别惹味。松露油炒杂菌好欣赏炒杂菌配完只焗蒜头，焗得好香好甜，成粒蒜头食到冇得净。杂菌除左有松露油的香味之外，仲有好香的胡椒味，用黎送一旁的法包好夹。黄咖喱蟹肉饭成餐饭最推介哩个黄咖喱蟹肉饭，真系做到啖啖蟹肉。而且咖喱做得好滑身，冇咩辣味亦唔会太甜，好香口。用黎送饭唔觉唔觉就食左成碟饭。泰式珍珠奶茶泰式奶茶偏甜，一直系我的至爱。哩度既奶茶仲有炼奶的香味，饮落好顺口。而且珍珠好弹牙，带有黑糖香味。每次去GREYHOUND都唔会令我失望，而且耐唔耐佢地又有新的菜式推出，所以耐唔耐就会想去一次。