板燒郎燒肉鐵板放題料理專門店 (已結業)

睇完openrice 见到啲相中嘅食物都几靓，仲有鹅肝、泰式生虾任食，所以念住去试吓⋯⋯一入到个场已经觉得啲装修好似去咗一间好耐历史嘅卡拉ok场咁，跟住都仲仍抱住希望有惊喜嘅心态去order嘢食⋯⋯首轮当然系点刺身，无论系三文鱼、象拔蚌定系甜虾⋯⋯所有刺身都系无味，食落去啲肉有啲梅，好唔新鲜，载刺身𠮶啲冰仲要水汪汪⋯⋯跟住就点啲熟食，冬荫公汤一啲都唔热，炒蚬都系唔热，啲汁又唔好味，温泉蛋就更加不知所谓，就咁打只生鸡蛋加豉油就当系温泉蛋。其他𠮶啲乜乜肥牛，羊架，和牛粒全部通通唔掂，一系就无味，一系就太咸，𠮶样仲要系好唔新鲜！再恐怖啲仲有清酒（枉我加咗$88任饮），我从未见过用果汁机嚟载清酒，仲要系唔冻，酸梅汁、橙汁都系唔冻⋯⋯我同朋友好夹硬咁去食点咗嘅食物，因为都唔想咁浪费，但尽咗力都系食唔得晒，因为净系见到食物嘅样都已经唔开胃，只想尽快离开！仲要每人收$350，真系超级唔抵！！自问对食嘅要求唔太高，但真心觉得难食！我同朋友离开此食店后都感觉有点头晕同想呕，唔知系咪心理作用，总之唔会再到此，希望本人体质唔差唔会肚疴啦！