影片
更多
2007-12-09
32 浏览
从未食过如此难顶既大排档!今晚同女朋友去中环, 谂住食大排档, 其实一开始已经系有目标系去x记个档, 但个档实在太多人, 吉位d衞生情况又唔好, 但又想食大排档, 于是就等左一阵, 就算啦, 费时再磨, 就黎隔离呢档试下啦, 横掂有位, 又好肚饿, 好啦, 恶梦开始啦......1. 一开波拣左张枱坐, 冇人招呼, 跟手等左一阵, 转左第二张枱坐, 又系一样冇人招呼, 系要叫几次先至有人话叫你再等等, 叫佢开茶, 又系十问九唔应.....叫左枝生力, 又系迟一迟都唔到........2. 好啦, 算! 呢d都唔理, 叫d𩠌医下肚先, 叫左蚝仔汤饭, 红油抄手, 小辣香炒羊肉, 白烚芥兰, 跟手谂住可能唔够, 想叫多个煲, 但女朋友话唔好住, 好彩佢叫住, 如果唔系又蚀多几草野! 等我每样讲下:蚝仔汤饭:呢个我冇食, 系我女朋友食啫, 但试左一两口; 味道方面, d蚝仔冇乜腥味, d汤胡椒太多, d冬菜好有味(即系太咸); 卖相方面, 一睇都打左个突, 点解碗饭咁多泡架? 红油抄手:红油抄手? 咪玩啦, 净系渌几粒云吞加几滴辣油就当系? 叫红油云吞算啦, 正宗川菜风格既咸, 麻, 鲜味完
今晚同女朋友去中环, 谂住食大排档, 其实一开始已经系有目标系去x记个档, 但个档实在太多人, 吉位d衞生情况又唔好, 但又想食大排档, 于是就等左一阵, 就算啦, 费时再磨, 就黎隔离呢档试下啦, 横掂有位, 又好肚饿, 好啦, 恶梦开始啦......
1. 一开波拣左张枱坐, 冇人招呼, 跟手等左一阵, 转左第二张枱坐, 又系一样冇人招呼, 系要叫几次先至有人话叫你再等等, 叫佢开茶, 又系十问九唔应.....叫左枝生力, 又系迟一迟都唔到........
2. 好啦, 算! 呢d都唔理, 叫d𩠌医下肚先, 叫左蚝仔汤饭, 红油抄手, 小辣香炒羊肉, 白烚芥兰, 跟手谂住可能唔够, 想叫多个煲, 但女朋友话唔好住, 好彩佢叫住, 如果唔系又蚀多几草野!
等我每样讲下:
蚝仔汤饭:呢个我冇食, 系我女朋友食啫, 但试左一两口; 味道方面, d蚝仔冇乜腥味, d汤胡椒太多, d冬菜好有味(即系太咸); 卖相方面, 一睇都打左个突, 点解碗饭咁多泡架?
红油抄手:红油抄手? 咪玩啦, 净系渌几粒云吞加几滴辣油就当系? 叫红油云吞算啦, 正宗川菜风格既咸, 麻, 鲜味完全欠奉, 其他个d抄手系好注重个饀架嘛, 天后有间出名食清汤腩既铺头, 佢地d抄手就真系ok啦,呢档?!.....唉.....
小辣香炒羊肉: 唔系挂?! 洋葱椰菜炒肉片?! 我都识炒啦, 至于d羊肉既口感....一d冇乜! 有d怀疑系咪真系羊肉......仲有系一d辣味都冇.....成碟野水汪汪, 一d火候都冇.......其实都有少少想问下佢呢兜野系乜, 但呢个时候都食到冇瘾, 都只系想快快食完埋单走头就算.....
白烚芥兰:呢兜野系全部野之中比较之中最好食既......早知净系食呢个就算.......
生力: 枝生力? 唔好问啦, 叫左两次, 黎都冇黎过, 佢唔落单仲好, 悭返十几蚊!!
咖哩牛腩煲:呢兜野? 想点但最后都冇点, 好彩女朋友一开波就禁住我叫我唔使点住, 话惊食唔晒, 其实唔叫仲好, 我点知佢会唔会俾兜走晒样既咖哩我架? 悭返几十蚊!!
3. 服务, 好心佢地如果系唔够人就请下人啦, 基本上乜野都系要靠自己, 就连最简单要杯茶都.....唉.....
总言之, 我未食过一档咁难顶既大排档, 相信以后我都唔会再去!
唯一可以比较赞下既, 系比x记光猛少少咁啰!
张贴