影片
更多
2017-10-14
1190 浏览
今晚忙完个 project 睇睇个钟已经系零晨一点十五分，忙完就觉得超肚饿，谂紧咁夜荃湾区有乜嘢食，就谂起荃湾众安街55号大鸿辉(荃湾中心)地库嘅一品鸡煲，因为实在太夜都系先打个电话去问下收几点。问咗收3点、2点last order。0k嚟过快食都赶得切，总好过食茶记，飞车落到去1:40，店员见倒我地面色已经有点为难，话2点last order 禾，但都阻止唔倒班饿鬼，心谂自己都系D好识做嘅人快食快闪啦。坐底后马上点菜，我地一行三人嚟得呢度紧系走唔甩个招牌一品煲啦，另外叫咗四宝丸，芋丝，娃娃菜，3杯大0茶，一分钟唔驶已经点晒菜等食，非常合作。好快未够2点鸡煲已经滚紧中及火㶽料已经到齐。先讲食物质素先，鸡煲鸡好嫩滑麻中带辣真系惹味，略嫌浓味同咸咗啲，咸到个咀有少少甩皮，但都系好味嘅，另外四宝丸四款都各有各好味，芋丝都好爽加埋D汁好味，食物除了鸡煲咸咗D之外，整体都系满意嘅。但讲到服务就⋯⋯倒扣5分如果我系佢地老板我会好担心！大家有食过呢间鸡煲都知道先食完晒D鸡，然后先放汤再火㶽，我地鸡煲食到一半已经有个只能操流利国语嘅大妈话帮我地捞起晒D鸡食呢间鸡煲其他分店咁耐我都未试过要捞起晒D鸡咁急
问咗收3点、2点last order。0k嚟过快食都赶得切，总好过食茶记，飞车落到去1:40，店员见倒我地面色已经有点为难，话2点last order 禾，但都阻止唔倒班饿鬼，心谂自己都系D好识做嘅人快食快闪啦。
坐底后马上点菜，我地一行三人嚟得呢度紧系走唔甩个招牌一品煲啦，另外叫咗四宝丸，芋丝，娃娃菜，3杯大0茶，一分钟唔驶已经点晒菜等食，非常合作。
好快未够2点鸡煲已经滚紧中及火㶽料已经到齐。
先讲食物质素先，鸡煲鸡好嫩滑麻中带辣真系惹味，略嫌浓味同咸咗啲，咸到个咀有少少甩皮，但都系好味嘅，另外四宝丸四款都各有各好味，芋丝都好爽加埋D汁好味，食物除了鸡煲咸咗D之外，整体都系满意嘅。
但讲到服务就⋯⋯倒扣5分如果我系佢地老板我会好担心！大家有食过呢间鸡煲都知道先食完晒D鸡，然后先放汤再火㶽，我地鸡煲食到一半已经有个只能操流利国语嘅大妈话帮我地捞起晒D鸡食呢间鸡煲其他分店咁耐我都未试过要捞起晒D鸡咁急咯，心谂妳驶唔驶咁赶呀二话不说已经一人一壳鸡放入我地碗内，动作非常粗鲁，碗都已经满晒⋯⋯都仲要嚟！结果鸡咪满倒跌落我件衫同裤度啰
闹你又唔系喂⋯⋯你赶收工都唔驶咁㗎！讲咗声对不起就马上放汤，务求将所有火锅料一次过放晒落啲汤度，咁样俾人追迫食咗都背脊骨落啦⋯⋯真系系D大妈先至做得出，睇睇只表、小喇叭2点半啫，其实由鸡煲开始熟都系2点左右，食咗半个钟啫，总之3点前走唔好阻人收工就得啦！
话口未完有个同党、呢个识讲广东话行埋嚟⋯⋯佢真系好老实⋯你地食快D啦我地收工喇⋯我真系从未试过一间食市可以同客人咁真情流露，话口未完成个场静晒⋯⋯冷气都熄埋，再熄净我地张枱D灯，wow⋯大佬打㶽呀⋯⋯你同我关冷气熄灯，不如你再直接D俾几个外卖盒我打包好过啦⋯⋯食完望下只表都系2:40分啫！
你地收3点家嘛⋯⋯其实咁多位大妈不如下次有人打电话嚟或者walk-in 嚟，你直接同佢讲我收工咪仲好。您地咁嘅服务态度真系俾人讲九年，俾著第二个真系反枱，面对呢D新移民大妈，大家文化背景唔同，唉⋯⋯无语。只可以讲冇下次。
张贴
