柏斯意大利餐廳 (已結業)

粉岭要去一间个样Ok嘅其实冇乜选择。因为有客过黎粉岭，所以book 咗去呢间到食。食物质素唔能够要求好多，不过呢个并唔系重点。我当日去食饭，食紧时叫咗个外卖。食完卖单签完card拎张手写单就走。当时的确有一下觉得比我想像中平咗D，但系因为当时佢又话facebook打卡又有折，又同客倾紧计，我都冇谂住深究。当晚夜晚10:30pm 收到个电话我冇听，因为咁夜觉得收到垃圾电话有D怪，一check之下见到系佢地电话⋯到第二日，完咗午饭时间又有电话我听咗，一听之下，佢话当日我找张单系堂食张单，外卖我未找⋯ 我话咁你有冇acc 我过数比你啰，跟住佢话佢要现金埋数, 问我几时可以去比返佢地⋯虽然我第二日系有去比返佢，但系其间佢地完全冇悔意，冇讲一句对唔住or even 唔好意思⋯大佬呀，其实你知唔知系你做错嘢，仲要我三十几度行去你间垃圾餐厅比钱你？我。以。后。唔。会。再。去。