綠怡咖啡廳

营业中

休息中

2022年夏天staycation第一击，拣左较为经济既北角海逸酒店。Package包高级半海景客房/尊贵山景客房/尊贵海景客房 + 早餐 + 自助午餐，星期六入住价钱为$1485，早两日先系Klook度book。入住后第二天免费于绿怡咖啡厅享用早餐 (早上七时半至十时) (供两位用)。早餐并非自助餐，而系套餐。套餐非常失望，包好少野食，而且质素好差。羽衣甘蓝田园沙律主要系生菜加粟米粒，连胡麻酱都得少少。羽衣甘蓝要留意先见到一小片。鲜果乳酪奇亚籽燕麦杯系西瓜，蜜瓜，哈密瓜同菠萝粒，得丁屎嘅乳酪。实在系太小家。水煮蛋两只配一块火腿。多士同咖啡茶自助。多士开头得一款白面包，之后refill先有麦包同另一款白面包。配有橙味同士多啤梨味果酱，同牛油。咖啡系咖啡机出品。首先Klook预订时都无讲早餐系套餐，就算系套餐都应该可以好d，肉都系得一块火腿。如果早餐系咁，呢个staycation价钱就唔抵啦。真心无下次。