弁慶 御好燒 鐵板燒

营业中

休息中

再访大阪御好烧过江龙弁庆 御好烧 铁板烧 🥰一直好钟意由日本人主理既正宗口味，主厨、侍应到客人均以日本人居多，系counter座欣赏师傅席前调理食材，就好似身处日本咁有气氛！近来餐厅仲做紧期间限定冲绳fair，带来不同当地食材🇯🇵🔸冲绳早摘水云水云系冲绳特产，丝状海藻有住独特黏滑口感，简单用醋调味最能带出新鲜味道；旁边仲有两件八爪鱼，口感弹牙非常开胃！🔸烤白子平时好惊白子会腥臭，估唔到呢度既白子唔单止完全冇腥味，带奶香而口感幼滑，烤过后外层带香脆同惹味咸香，食唔停口🤤🔸冲绳香柠SOUR用上冲绳另一名物香柠调配，酒精味唔会抢过果味，酸酸甜甜口味清新🔸冲绳阿西罗拉樱桃柠檬SOUR阿西罗拉樱桃充满营养而且甜度较高，配以柠檬平衡味道更加和谐🔸大阪御好烧传统关西风既御好烧以椰菜同先以高汤调味既粉浆为主体，配合原创自家制酱汁、蛋黄酱同猪肉片，做出最正宗既关西风味！今次拣左自选御好烧，豚肉同芝士配搭加添一层咸香，唔需要fancy配料已经好好味！🔸鳗鱼玉子卷煎得柔软绵滑既蛋卷包住厚肉鳗鱼，配合酱汁更加惹味🔸味噌大蒜炒鸡颈肉朋友介绍既鸡颈肉肉质弹牙，用味噌炒过后非常入味，加埋旁边炸蒜片饱腹感满满！