御犇麵館 (金禧花園)

营业中

休息中

工作关系，猴子今日跑到去大围，喺大围见到一家新开嘅面店「御记御犇面馆」，猴子试新嘢系唔会执输，于是即刻走入去帮衬，返到屋企随即开电脑写食评。不过奇就奇在，明明间舖头系新开张，点解喺Openrice里面居然显示早喺今年五月就已经有人写食评？！睇真啲，原来系猴子搞错咗，不过都唔怪得猴子，皆因同样喺大围、相隔唔够几个街口，居然有两间御记御犇面馆，而且装修仲要差唔多。猴子帮衬𠮶间系新开嘅，喺Openrice仲未有资料，于是猴子义不容辞click入「更新餐厅资料」帮佢喺Openrice开张。猴子其实唔系好肚饿，所以只系叫咗碗五香牛筋面，实情今次可以话系为光顾而光顾，见系新舖先咁畀面。讲番个面，猴子钟意佢冇碱水味，面条亦够爽，至于牛筋就偏向清淡，个人认为可以落多少少调味。至于卫生方面，话晒系新开张，样样嘢都系新净兼干净，食起上嚟都安心啲。