新馬鞍扒房 (已結業)

经过年多嘅努力，人生入面其中一个最大嘅project卒之完成。松了一大口气^_^前几日系戏肉。真系忙到有气冇碇透，依家先得闲写食评..但忙并不表示我会偷懒，依然系食、食、食^0^抽空嚟呢度食个午饭。冇嚟咁耐，人、物依然。水准依然能够保持---- 周打鱼汤唔够浓稠，所谓嘅鱼竟然系用咗烟三文，真系第一次见。虽然系唔正宗，但味道都算唔错，过关...简单叫个茄汁海鲜意粉。料足，有虾、青口、蚬、鱿鱼等。亦颇新鲜；茄酱并不只系得茄膏，新鲜蕃茄亦有加入，酸咪咪够醒胃；意粉系普通spaghetti，渌得唔算叫al dente，但亦唔会好似D港式意粉咁整到淰pat pat，好...食得相当惬意^_^