大和堂咖啡店

营业中

休息中

装修好特别 保留咗放中药材嘅柜 个个位置成为咗barista bar 食物方面都好中西fusion📍鸡蛋仔与鸡配口水鸡辣辣蛋黄酱见到几乎枱枱都有嗌 个炸鸡好脆又唔会干仲好juicy 个汁完全系超乎想像 本身好怕口水鸡mix蛋黄酱会甜咗冇咗口水鸡个好爽口嘅香辣味但一食落去 个阵辣味超出 食到个口辣辣地 就食番啖甜甜嘅鸡蛋仔中和下📍大和堂菠萝油菠萝包夹牛油就食得多 估唔到夹鹅肝一样夹 唔会太腻 📍奶酱多系一个好邪恶嘅奶酱多 平时传统嘅系淋炼奶同花生酱 而今次就将花生酱变成雪糕嘅方式 食落花生味更浓 仲加埋啲果仁脆脆 口感更丰富📍伪椰青嘅coconut chocolate cake造型好可爱 仲要真系放咗支饮管系上面就更加似椰青 食落外面嘅朱古力脆皮唔会过甜 唔会甜到盖住入面coconut mousse嘅清甜📍大和堂拿铁咖啡咖啡加上茶香同牛奶 味道balance得好好📍cold brew用果香味重啲嘅豆 带荔枝同玫瑰嘅香味