飼說 (已結業)

一入到餐厅，就知道老板为餐厅嘅布置花咗唔少心思，周围有唔少特别嘅装饰物。今次安排嘅座位系一个面对窗口嘅角落位，但窗口前面摆咗啲画同海报，所以都唔会好晒。白色嘅阶砖同古老嘅打字机好衬，有一种复古嘅感觉。午市套餐仲包含咗沙律、餐包同餐饮。餐包系香草面包，香草味浓，偏干身。沙律就冇用到传统嘅沙律酱，用咗柚子汁，感觉几清新。主菜就系鲜茄大虾龙虾汁意粉，意粉靭度适中，有好浓郁嘅蕃茄味，而大虾数量都几多，尚算新鲜弹牙。