Brewed

营业中

休息中

装修有种复古水泥木系嘅感觉，感觉好休闲，好啱倾吓计，而且嘢食、咖啡都高质。连假都唔系特别多人，记住要支持下小店啊！*香烤鸡肉多士 $98Grilled chicken toast鸡扒大大块，腌得好入味，有肉汁但未算嫩滑。鸡扒下面系火箭菜、鹰嘴豆泥，配合菲达芝士、开心果，系地中海菜嘅味道，配鸡扒、流心太阳蛋好夹。可惜酸种面包得两片，而且偏干唔够香。黑松露忌廉猫耳朵 $128Black truffle orecchiette 黑松露忌廉汁好creamy好浓厚，大量栗子蘑菇、松子、巴马臣芝士，口感丰富。猫耳朵有咬口、好烟韧，仲可以装住好多汁。棉花糖焗法式多士 French Toast with Marshmallow $88法式多士用丹麦酥皮多士，浸牛奶蛋液再煎至外脆，但差在面包香蛋香。棉花糖焗到拉丝，配开心果、枫糖糖浆，甜甜哋但唔会太腻。鲜奶咖啡 Caffe latte $38拉花靓，奶泡细致，咖啡味香，奶味唔会过重。