影片
更多
2023-10-07
42 浏览
呢间私房菜系朋友介绍，旧铺喺九龙城，只系招呼朋友，依家终于可以Book到喇！佢哋系以前广州大同酒家嘅后人开办嘅，做嘅系正宗复古粤菜，当然都有唔少自创招牌菜式啦，呢度最少要六位咁预约，大家嚟嘅时候就要留意喇！今日食嘅系私房菜晚宴套餐（每位$1000），有一汤羹、一特式、五款菜同一饭面一甜品！汤羹我哋加咗$100，试吓「燕窝鹧鸪粥」！呢款系百年历史嘅传统粤菜，喺好浓稠嘅粥入面有好多鹧鸪茸，好有咬口，同时有化痰止咳嘅功效，真系又好食又健康！而燕窝真系有极多！系非常滋补嘅一款汤羹。特式菜我哋就试咗「大虾多士」，一上枱就觉得好有气势！每条虾都得好金黄，大大只，入面系好丰富嘅虾胶同虾肉，配埋甜酸汁食就更加惹味！之后有五款菜，我哋先食咗一客「自腌味菜炒肚尖」，呢款系潮式菜，肚尖系最爽嘅部位，食落比想象中有咬劲，而味菜食落酸酸哋，令个口味更加均衡。另一款系佢哋嘅招牌「清炒凉瓜」，呢款凉瓜系用咗两个钟嚟汆水，所以就无晒苦涩味，会食到瓜嘅清甜，而且系无用油咁清炒，就比较试到食材嘅真味道。下一款系「蜜汁火方」，见个名咁得意，原来系火腿同方包嘅配搭，佢哋特登用咗菠萝嚟陪衬，增加甜味，而金华火腿都好厚实，有咸香
依家终于可以Book到喇！
佢哋系以前广州大同酒家嘅后人开办嘅，做嘅系正宗复古粤菜，
当然都有唔少自创招牌菜式啦，
呢度最少要六位咁预约，大家嚟嘅时候就要留意喇！
今日食嘅系私房菜晚宴套餐（每位$1000），
有一汤羹、一特式、五款菜同一饭面一甜品！
汤羹我哋加咗$100，试吓「燕窝鹧鸪粥」！
呢款系百年历史嘅传统粤菜，
喺好浓稠嘅粥入面有好多鹧鸪茸，好有咬口，
同时有化痰止咳嘅功效，真系又好食又健康！
而燕窝真系有极多！系非常滋补嘅一款汤羹。
特式菜我哋就试咗「大虾多士」，
一上枱就觉得好有气势！每条虾都得好金黄，
大大只，入面系好丰富嘅虾胶同虾肉，
配埋甜酸汁食就更加惹味！
之后有五款菜，我哋先食咗一客「自腌味菜炒肚尖」，
呢款系潮式菜，肚尖系最爽嘅部位，
食落比想象中有咬劲，而味菜食落酸酸哋，
令个口味更加均衡。
另一款系佢哋嘅招牌「清炒凉瓜」，
呢款凉瓜系用咗两个钟嚟汆水，所以就无晒苦涩味，
会食到瓜嘅清甜，而且系无用油咁清炒，
就比较试到食材嘅真味道。
下一款系「蜜汁火方」，
见个名咁得意，原来系火腿同方包嘅配搭，
佢哋特登用咗菠萝嚟陪衬，增加甜味，
而金华火腿都好厚实，有咸香，夹入包度食十分饱肚满足。
之后系「广州荔湾豉椒炒蟹」，有虾兵当然就有蟹将！
炒蟹有两大只，豉椒底有镬气炒得香，仲有啲辣嘅，
逐只蟹脚拎住嚟「损」，格外惹味。
最后系「大同咖喱牛腩」，
咖喱酱系店家特制的，唔算好辣，当中会有香料嘅甜味。
而牛腩份量都多，同薯仔一样炆得好稔，入口即溶，
配埋饭咁食就超正喇。
饭面类我哋就配咗「蟹油捞面」，
唔好浪费头先啲蟹油！捞落枧水度既食到面弹牙嘅口感，
亦都有又香又惹味嘅蟹油陪衬，
好令人满足，我仲添多咗一碗！
最后嘅糖水系「臭草陈皮绿豆沙」，
可以拣无糖之后再落罗汉果代糖，会健康啲，
而我果碗就系原味，好食到绿豆沙嘅清甜味道，
未至于起沙，但食到一粒粒绿豆嘅口感都好唔错，
而臭草又再增添咗一啲香草嘅风味，令个甜品更丰富。
喺尖沙咀区，可以食到咁正宗嘅粤菜，真系好唔错。
张贴
