Oldish (已結業)

平日返工都係帶飯,星期五通常都會搵朋友食下飯relax下。朋友之前網上見到有介紹呢間餐廳(cafe?),於是就試試。由於比較近公司,所以七點就入座,唔使點等位。因為得兩個人, 所以就安排坐係對住牆的位置。檯上用黎裝餐具同糖的器皿都幾得意,張張檯都唔同。亦有水比人自己斟黎飲,但係就無蓋,好似唔太乾淨咁。餐牌一早就放左係台,有set有散叫,但兩個女仔唔食得幾多,最後就決定散叫。先黎的是 all day breakfast, 差唔多樣樣都有兩件,都算幾大份。擺碟唔錯,但食落就覺得油份多左D。由其D菇,無晒本身D味。另一樣係 黑松露雜菌忌廉飯。黑松露平均地分佈,個質地唔會好稀,但咸左少少。 因為有限每人最低消費(around $150), 所以就要每要左杯飲品。朋友叫左mocha,味道ok。但係我杯cappuccino就麻麻地,咖啡味唔算太濃。