波士冰室 (已結業)

复活节假期没有外游，继续留港销费，很多购物商场都有大减价，去了荃湾千色汇，买咗只过千元的煮食镬，原价接近两千元，仲送多一只小煎pan，保用五年，有排煮。之后去了附近的波士冰室吃个地道tea。呢度风格卖弄怀旧装修，餐牌、嘢食都系玩复古。可能假期特别好生意，店员都好忙，所以，张椅有咁多冰粒都无人理。叫咗两个餐，一个系法兰西多士配热啡，另一个系常餐: 瑞士鸡翼捞天使面、炒蛋、丹麦多士配热奶茶。价钱合理$76。丹麦多士比较油。炒蛋唔错，几滑。瑞士鸡翼好腍，好甜。天使面无味，完全吸收唔到啲瑞士汁，呢种情况好少见。西多士好食，里面搽咗花生酱，所以，食落特别香口。奶茶、咖啡质素OK。