澳瑪葡國菜 (已結業)

上次同朋友黎试过alma觉得系唔错既选择，今日就同屋企人黎试下葡国菜。一叫完野食就上面包，面包仲保持刚刚出炉既温度，而且口感非常松软，我都忍唔住点晒成盒牛油呀！首先头盘叫左个葡式肉肠煎蛋，食既时候将简单同肉碎搅匀，食落去扳手既煎蛋加上烤至香脆既肉碎，口感层次丰富之余亦非常香口，直头一个人可以食得晒成个呀！之后再叫左个炸马介休薯球，上次试过觉得非常特别所以今次一定要再叫比屋企人试下。外面既脆浆非常薄，一咬落去表皮微脆，而里面既马介休拌薯蓉馅料质地非常厚身，非常足料，感觉好似食紧分量好多而比压缩既炸薯球，非常推介比大家 我地仲叫左呢款非常特别既烤猪耳沙律，唔好以为沙律系前菜所以分量会好少，呢款猪耳沙律分量多到惊人，出左猪耳亦伴以腌好既洋葱。食落去酸酸地有一股醋味，但唔会太浓烈刺鼻，而且猪耳煮到非常淋，不住不觉就会食晒成碗呀！main course 就叫左个葡式海鲜焗饭仲跟个薯条。一上菜已经觉得卖相非常吸引，上面既大虾同青口非常新鲜，而且下面既饭煮到非常粘稠，好重番茄味，不过食得太多的话有d腻，一齐share就刚刚好啦~而佢个薯条亦都好好味，新鲜炸起仲热辣辣，正 食葡国菜最后就梗系唔少