The St. Regis Bar

营业中

休息中

复活节假期，要同闺蜜好好渡过，好想食一个靓嘅下午茶，就选择左我哋大家都未去过既St Regis。大堂楼底好高，座位相隔亦都唔近，应该都超过一米半距离。我唯一唔钟意嘅就系佢𠮶浸浓烈嘅香味。呢度嘅下午茶好处系可以俾你选择四款咸点同四款甜点，即系话即使你同朋友嘅口味唔一样，都可以选择各自喜欢嘅食物。咸点我选择咗黑鱼子蟹肉牛油果波波、鹅肝多士、鸭肉小汉堡同埋三文鱼卷。牛油果波波个卖相好靓，面头仲用左食用金粉黎装饰，好鲜味。鹅肝酱尚算软滑，加埋榛子食别有一番滋味。鸭肉小汉堡加上焦糖洋葱，好味到不得了，直头以为自己过咗法国。三文鱼卷算系咸点之中比较普通嘅一个，但味道都系好食嘅。至于甜点，由于系复活节，所以有兔仔造型、复活蛋造型同花篮造型，每一款嘅味道都好特别，造型亦相当精致。唔知佢其他节日又会唔会有其他特色造型点心呢？茶既选择以中国茶为主，可能因为业主系华润集团，所以会比较倾向中式茶选择。至于下午茶必不可少嘅松饼，我就觉得一般一般。