聯發茶餐廳

营业中

休息中

懒洋洋的星期六下午，的起心肝去九龙城行一行，揾啲美食医一医肚，经过联发茶餐厅，想不到一间外表看似平凡的茶餐厅外边系需要排一阵队先有得入内进食架叫咗个快餐、特餐加多碗叉烧饭个炒蛋真系冇得顶，生熟比例好好，咬落好软滑，又有少少，而且蛋味十分之浓郁，对蛋冇乜研究，但系我知道应该用啲比较靓嘅蛋炒出嚟先咁有蛋味！至于片多士（厚多士，因为真系几厚身呀嘛 ）上枱𠮶时，本来我见佢咁厚有点担心，怕外面脆，里面其实几韧。食落先知呢个担心其实系多余嘅，成个面包多士一口咬落去可以咬到底，好够热好够脆，而且啲牛油溶晒入去好香口。老公叫嘅系特餐，有个沙嗲牛肉汤意粉，我都有食两啖，发现佢个意粉汤系比平时出面茶餐厅浓郁，所以个意粉食落都几够味了。奶茶方面，茶香奶滑！重头戏就是呢个炭火叉烧饭，冇想过可以在茶餐厅食到一个极品级嘅叉烧饭！餐厅的图片真系冇夸张，个实物真系有劲多片叉烧，只蛋真系煎得好靓仔。叉烧切得几厚身，食落啖啖肉好正，有肥有瘦，微甜嘅豉油同埋半生熟嘅煎蛋先系灵魂所在，豉油引发左饭嘅香甜，而蛋黄捞埋叉烧同饭一齐食系呢个叉烧饭增添左一层滑溜的口感同浓郁的蛋香，呢个组合实在太令我嘅味蕾感动了！