Sweets House Cha Cha

营业中

休息中

想试左哩个抺茶吉士大判烧超耐，食完lunch仲肚饿就买黎做饭后甜品。买果阵店员话个大判烧系热既，但其实佢已经整好左放系到，系你买果阵加热几秒钟，所以拎上手只系微热。唔系即叫即整，加上得微热，有啲失望，味道一定唔及即叫即整好食。大判烧表皮唔会好湿润，不过亦未至于好干，口感带些少烟韧。表皮虽然系绿色，但完全冇抺茶味，亦冇蛋香。抺茶吉士馅好少，要咬到第二、三啖先食到。馅料既味道几好，抺茶带点回甘又唔会苦涩，甜度亦调得啱啱好，冇过甜。抺茶吉士馅既质地厚实有质感，唔系流质果种，食落有满足感。不过吉士味就唔太出，比抺茶既回甘盖过。唔知系咪期望过高，食落就大失所望。大判烧既抺茶吉士馅味道唔差，但份量偏少，唔似日本食果啲爆馅。表皮唔够湿润令大判烧失色。整体而言，不过不失，试一次就够了。