微醺 (已結業)

夜晚同男朋友去中环食饭，微醺呢个名好有诗情画意。半熟吞拿鱼春卷．他他酱半熟吞拿鱼口感好似食紧牛舌或者猪脷甘，好特别，肉质软腍，同脆口既春卷皮一齐食几夹，好食。鲜蟹肉意大利云吞．法式番茄清汤意大利云吞包住满满既蟹肉、蟹籽、番茄，而番茄清汤味道清清地，好饮。烤慢煮烟肉西班牙猪柳卷用烟肉包住猪柳，烟肉走我钟意既软腍路线，猪柳亦唔韧唔鞋，好嫩又多汁，好美味。伴碟有番薯蓉、嫩甘荀、芥末籽蜜糖烧汁。黎到微醺一定要饮酒。My Cup of Tea系我饮过最好饮既cocktail，超有特色。右边用左茶壶盛住热酒，闻到阵阵茶香，饮落除左有茶味，亦有浓烈既酒味，越迟饮酒味会更出。饮完热酒就要饮左边既冻酒refresh下，充分满阵阵花香，好易入口。Jumanji系浓浓既威士忌下饮到青瓜味，味道好清新，唔错。