影片
更多
2021-04-16
264 浏览
星期一是多么的讨厌，因为代表繁忙嘅一周又要开始。不过喺前夕，即系星期日晚🤣，就要捉紧放假嘅尾巴。嚟到苏豪区揾紧食乜之际，有个后生靓仔同我哋Say Hi㖞👏。就喺咁嘅情况下，我哋就入咗去「微醺」，过咗愉快嘅一晚。酒吧餐厅面积唔大，不过装修别具特色，高吧枱同矮餐枱都有。颜色主色系粉红色同灰色，色调沉沉哋但感觉几有气氛😌，好衬微醺嘅主题。另外，墙身仲油上餐厅嘅名字添！餐牌好似一本书，入面附有大量插画，非常之精美😍。除此之外，店员仲提供伴读服务，讲笑啫，其实系讲佢服务态度无得顶，劲有热诚，佢超有耐性向我哋逐一介绍菜式同鸡尾酒👍。唔饮酒又点有得Fun(醺)呢？我哋嗌咗两款Signature Cocktail🍸，男店员同时身兼调酒师，所以佢清楚讲述每款嘅特色，作出推介。My Cup Of Tea ($168)，呢个系招牌中嘅招牌，一冷一热，好玩又好饮😛。热𠮶杯用Homemade Infused Gin + Campari + Green Tea Syrup制成，而冻𠮶杯同样用Gin底，再沟Elderflower Liqueur + Yogurt + Apple Juice。用茶壶装住嘅系热酒，斟落
星期一是多么的讨厌，因为代表繁忙嘅一周又要开始。不过喺前夕，即系星期日晚🤣，就要捉紧放假嘅尾巴。嚟到苏豪区揾紧食乜之际，有个后生靓仔同我哋Say Hi㖞👏。就喺咁嘅情况下，我哋就入咗去「微醺」，过咗愉快嘅一晚。
酒吧餐厅面积唔大，不过装修别具特色，高吧枱同矮餐枱都有。颜色主色系粉红色同灰色，色调沉沉哋但感觉几有气氛😌，好衬微醺嘅主题。另外，墙身仲油上餐厅嘅名字添！
餐牌好似一本书，入面附有大量插画，非常之精美😍。除此之外，店员仲提供伴读服务，讲笑啫，其实系讲佢服务态度无得顶，劲有热诚，佢超有耐性向我哋逐一介绍菜式同鸡尾酒👍。
唔饮酒又点有得Fun(醺)呢？我哋嗌咗两款Signature Cocktail🍸，男店员同时身兼调酒师，所以佢清楚讲述每款嘅特色，作出推介。
My Cup Of Tea
$168
3 浏览
0 赞好
0 留言
Jumanji
$128
5 浏览
0 赞好
0 留言
Jumanji ($128)，呢杯用上Hakushu Japanese Whiskey + Fresh Lemon Juice & Cucumber Juice + Cucumber Syrup制成。🥃日本白州威士忌超香，斋闻已经觉得好舒服，饮落好顺，酒味喺后劲。呢杯亦加咗柠檬汁同青瓜汁，味道就唔算好出，但感觉清新。我唔系好识点样形容酒，但我就好钟意呢杯。
帕马火腿、无花果、自家制蜜瓜啫喱、田园沙律、西柚蜜糖汁
$168
6 浏览
0 赞好
0 留言
半熟呑拿鱼春卷·他他酱
$68
2 浏览
0 赞好
0 留言
川辣脆炸单骨鸡翼
$88
4 浏览
0 赞好
0 留言
烤慢煮烟肉西班牙猪柳卷($288)，配菜有蕃薯蓉、嫩甘笋同芥末籽蜜糖烧汁。主菜定价偏贵，前菜小食类就较为大众化。🐷猪柳厚切成圆形，每件外围再用烟肉包住🥓，烟肉似猪腩片多啲，因为无炸脆。猪柳肉配蜜糖烧汁食几香口，甜得嚟唔漏，落咗啲芥末籽粒粒口感几得意；但唯一略嫌猪柳肉质有啲鞋。至于蕃薯蓉🍠同甘笋🥕都好食，前者无橙色𠮶类蕃薯咁饱滞，两样都清甜，仲可以平衡一下食大啖肉嘅罪恶感。
饮饱食醉之后，我哋出咗餐厅嘅骑楼位Hea下享受宁静，终于等到无人嘛🙈。室外大约有六个座位，对面无景，但起码对住嘅系健身室大厦，而唔系后巷。题外话，骑楼仲种咗啲小盆栽添。
总括嚟讲，呢晚嘅微醺体验真系好正，就好似餐厅所讲：即使这里微小，但快乐无限🥂🥳💕。餐厅各方面都显示出佢哋有几用心经营，店员嘅Passion系能够感染客人，下次约朋友饮嘢我一定会推介佢🌟！
张贴
