Pasticceria Giovanni Pina 1920 (如心廣場一期) (已結業)

星期日下午2点几，全个商场食肆都排哂队，系得哩间有位，睇住可能佢贵贵地无咁多人，咁可以食得舒服啲啦！点知一入座就见个个员工黑口黑面，戴住口罩都可以从佢哋双眼透露出“唔欢迎”嘅赶客样，坐低就即刻讲“限时90分钟”，what? 个餐$200起，都限时？我明明见有人留言话系 hea 倾好地方㖞～咁点解我嚟到又会话限时呢？90分钟好难hea倾㖞？！咁都算啦，我都无谂住坐一粒钟……但问题你无服务又限时，系咪应该食物水准要高啲呢？扒细都算啦～我真系未试$200以上嘅扒，系未淋酱汁前已过咸，我自问好食得咸，都觉得佢太咸。啲配菜系老柴，唯独配菜果两糕（其实系一粒开半）系好味。餐只配咖啡或酒，我两样唔好，只得另外散叫，一杯$38西瓜汁，餐厅内唔算贵，唔大杯都预咗，但可唔可以清甜啲？埋单时，隔离枱都埋单，佢张信用咭出现咗问题，员工系咪应该为免尴尬行埋去细声同客人讲呢？一路行一路大大声，语气粗鲁讲“你张咭要密码㗎？信唔到㖞！” 虽然人哋系食咗嘢未俾钱，但真系唔系欠你嘅，唔知以为自己去咗大排档。