火鍋煮場 (已結業)

真心想讲呢一间火锅店嘅德国啤酒优惠真系好crazy，$100一百支唔使一次过饮晒，只要两个月内嚟帮衬都可以用，当然有一啲条款限制啦，不过啲条款都fair嘅，例如每位消费$250，呢个金额基本上都实达标。深啡色个支小麦味好香好好饮，橙色𠮶支西柚啤酒精度比较低清爽易入口。汤底我哋拣咗传统嘅皮蛋芫荽锅。呢度啲牛真系质素高，好耐冇试过打边炉食到啲咁靓雪花纹嘅牛肉。脆鲩片好新鲜。羊肉片就肥咗少少，不过羊味都几浓但系又唔会膻。我哋仲叫咗个猪杂拼盘。