Brotzeit German Bier Bar & Restaurant (形點 I) (已結業)

元朗形点I期加埋II期真心大到无朋友，行到攰攰地于是想揾间餐厅坐低饮杯野，Search Openrice见到有间德国餐厅，就决定去试下。呢间餐厅有室外同室内，我地拣咗室内，因为呢几日坐室外都真系有D冻。去德国餐厅梗系要饮德国啤酒，呢间餐厅都有好多选择，生啤同支装啤酒都有德国啤拣。我地拣咗Bitburger，睇落去两杯好似一样，其实一杯系正常啤酒，另一杯系0酒精啤酒，杯0酒精啤酒嘅味道都真系好似啤酒，绝对呃得吓人。另外想讲呢度嘅侍应姐姐倒啤酒倒得非常专业，似乎呢间餐厅嘅老板对啤酒都几有要求。呢间餐厅个Bar Corner都好好feel，下次入元朗会再黎饮野。