影片
更多
2023-09-27
1379 浏览
德国菜食过好多次，啤酒节亦听得多，但由餐厅举办的德国啤酒节嘉年华都系第一次参与。今次衬住系星期日，嚟到元朗屏山呢间隐世西餐厅亲尝一下德国啤酒节嘉年华的特色食品及感受一下热闹气氛。餐厅虽然唔系处于当眼位置，但距离屏山轻铁站步行约5分钟左右可到，餐厅外亦有好多空间可供泊车，离远都见到五光十色的灯光布置，所以都唔难揾。餐厅分室外区及室内区，室外区都有好多座位，空间非常充足，十分适合带同毛孩一齐用餐。室内区装修及座位亦同样阔落舒服。今次啤酒节嘉年华提供期间限定special menu，包括3款德国特色食品及每人自选饮品。饮品都有好多选择，今次拣咗两款mocktail: Virgin Kiss及Mango Fever❇️Virgin Kiss (Coconut cream, Pineapple juice, Cranberry juice, Lime, Blue Syrup)▶️蓝蓝地颜色好靓，入口有淡淡椰奶味，加埋几款果汁沟埋一齐，味道都几特别❇️Mango Fever (Mango Syrup, Cranberry juice, Lime juice, Soda water)▶️入口酸酸甜甜亦带少少
今次衬住系星期日，嚟到元朗屏山呢间隐世西餐厅亲尝一下德国啤酒节嘉年华的特色食品及感受一下热闹气氛。
餐厅虽然唔系处于当眼位置，但距离屏山轻铁站步行约5分钟左右可到，餐厅外亦有好多空间可供泊车，离远都见到五光十色的灯光布置，所以都唔难揾。餐厅分室外区及室内区，室外区都有好多座位，空间非常充足，十分适合带同毛孩一齐用餐。室内区装修及座位亦同样阔落舒服。
今次啤酒节嘉年华提供期间限定special menu，包括3款德国特色食品及每人自选饮品。饮品都有好多选择，今次拣咗两款mocktail: Virgin Kiss及Mango Fever
❇️Virgin Kiss (Coconut cream, Pineapple juice, Cranberry juice, Lime, Blue Syrup)▶️蓝蓝地颜色好靓，入口有淡淡椰奶味，加埋几款果汁沟埋一齐，味道都几特别
❇️Mango Fever (Mango Syrup, Cranberry juice, Lime juice, Soda water)
▶️入口酸酸甜甜亦带少少芒果香，味道相对较为清新。
❇️德累斯顿烩牛肉，红椰菜，煎薯饼
▶️下面一大片煎薯饼，上面舖上烩牛肉，牛肉煮得好淋亦够入味，牛肉侧边有红椰菜丝，加埋薯饼一齐食，口感层次丰富之余亦中和煎薯饼的油腻感。
❇️传统瑞士烧芝士，牛角窝夫，金门火腿
▶️呢款菜式好特别，金门火腿都系第一次食，肉质一丝丝的，味道充满咸香，上面舖咗预先烧熔咗的瑞士芝士，加埋底层的窝夫一齐食都几惹味，旁边配菜有酸瓜、车厘茄及酸荞头，可以清一清味蕾及减轻返芝士的油腻感。
❇️慕尼黑啤酒节特色拼盘 (6-8人份)
▶️呢个拼盘绝对系成晚重头戏🤩，因为成个拼盘份量超巨型，入面包括：酥炸薄牛仔、脆皮烧猪肘及猪腩、圣路易斯烧排骨、纽伦堡肠、维也纳猪肉肠、火焰牛肉串、烧虎虾、酸椰菜、炸薯、烧粟米，材料非常丰富！
呢set拼盘侍应一拎上枱基本上已成为众人焦点，然后即场响中间的牛肉串同虎虾上点火。虎虾大大只，烧过之后更突出虾味。
下面的肉类全部都好大件，其中烧猪腩外皮香脆，烧排骨肉味好香浓，两款德国肠咬落去好juicy，虽然话系6-8人份量但我地6个人完全食唔哂！😄
😅今次呢个德国啤酒节嘉年华除咗有传统德国美食之外，现场仲有举啤酒及啤酒竞饮比赛，加埋live band 助庆气氛非常热闹！胜出者仲可以挑战冠军榜，更有机会嬴取机票礼券！😍
除此之外，亦可以参加摊位游戏嬴小礼物🎁，大人同小朋友都可以尽兴而归！🥳
✅德国啤酒节嘉年华由9月17日至10月22日逢星期日及公众假期举行，可以试到德国传统美食之余，又有好多嘢玩，钟意热闹或者一大班亲朋好友想假日欢聚又想远离一下市区，呢个的确系一个唔错选择，值得推荐！👍🏻
张贴
