Manecy's Studio Restaurant (已結業)

铜锣湾闹市中一个充满欧洲色彩既餐厅，除左摆设、沙发、街景之外，最钟意就系佢既红砖墙，特别有外国风味。饮品除左自助既苹果汁、橙汁、气水同茶之外，亦有欧洲啤酒、红酒白酒、Cocktail，应有尽有。自助小食除左沙律、炸物、德国渍物同水果，仲有Cold Cut既意大利巴马火腿、挪威烟熏三文鱼、英国熏牛肉、英国火鸡火腿同德国蘑菇火腿。Cold Cut既诚意小食媲美酒店既自助餐。自助餐亦可以另叫主打既脆爆咸猪手同各种主菜，亦有其他小食。脆爆咸猪手果然名不虚传，皮脆有口感，咸味强烈得黎亦唔会太重味，可以多叫多食！芝士卡邦尼意粉味道有啲淡，略嫌芝士味不足63度温泉蛋配黑松露酱，一啖放落口全口充满浓郁既蛋黄味加上嫩滑既口感，加上黑松露医配合少量既盐，弥补左普通温泉蛋味道单调既不足，好食！忌廉芝士蘑菇酿鸡翼都值得一提，虽然睇落普通，但加上不同既调味，一口咬落去嫩滑得黎味道丰富！𣎴同种类既肠，真正欧洲风情。西班牙海鲜烩饭配柠檬汁，开胃开胃！三款微辣既串烧，非常惹味！整体唔算多款式既食物但系款款都精心制作，自助餐大吃大喝一流！