Schnee German Restaurant (已結業)

今晚又同老公去东大街觅食，经过一间德国菜餐厅，见好少食德国菜，于是胆粗粗入去试下。店舖小小，因为今日系闲日，所以全店得我地两个客。除左挂左几面德国国旗同装饰外，其实真系冇乜异国情调，一直播住旧嘅广东歌，电视仲定格喺一套好旧嘅港产电影度⋯😂我地一人叫左一份set dinner。天寒地冻唔食沙律，要蕃茄忌廉汤。热辣辣，够酸，味道唔错，好开胃。主菜叫左黑松露野菌烩饭同香肠拼盘。烩饭嘅烩汁黑松露味都颇浓，质地浓稠，饭粒饱满，唔错。香肠拼盘较普通，都系比较常见嘅法兰克福肠、纽伦堡香肠、慕尼黑白肠，又长又幼果条唔知叫咩肠，最好食系佢，比较juicy，其余果三种都普通d。有d酸菜丝、小酸瓜中和下，冇咁腻。