帝樂德國餐廳 (Fashion Walk)

营业中

休息中

环境4分：德国式餐厅格局，主要系木枱木櫈，大部分都系木嘅装修，坐落比较舒服。伙记著住制服，大大杯啤酒攞出攞入，好有气氛，可以畀四分。卫生4分：正常欧洲西式餐厅， 卫生情况唔错，所以畀四分。服务5分：用心解释今期嘅优惠，而且快手快脚，可以畀五分。味道4分：1)      猪手原只上畀你睇完之后，就帮你切成一旧旧，份量都足够两个人食，但系可能焗得耐果头，略嫌有D韧。2)      炸鱼条配薯条，炸得非常脆，点埋D沙律酱非常一流，而且最好系免费嘅。3)      啤酒大大杯成一公升咁多，一晚饮一杯咩都够晒喉，啤酒不太浓味而有淡淡嘅啤酒香味，德国啤酒的确利害，所以畀四分。抵食4分：呢期会员食满250蚊送一款小食，我就拣咗炸鱼薯条配薯条，呢个优惠都非常之抵， 而且happy hour杯超大啤酒都系一百多D蚊，会员仲有折，所以抵食程度可以畀四分。