男人廚房 (已搬遷) 新店位置

之前有朋友去过话几好食，介绍我一定要试只德国猪手，但要电话预订，我一直都想试下。朋友前几日生日，咁同佢庆祝时就去试下。间餐厅其实几开扬,两边大单边开通晒都几舒服。坐低后服务员好快送上餐牌，我地点左14"苏豪特式pizza，田园沙律，三文鱼拼猪肉肠同早前预订既德国猪手。值得一赞既真系只猪手，份量成只拳头咁大 ，d皮脆得黎松化及有骨胶口感，里面d肉又好滑，睇得出系用心之作，真系无介绍错。个pizza既饼底脆得黎烟韧有咬口 ，有别于其他pizza 连锁店，味道唔差。个三文鱼拼猪肉肠都ok但个卖相就一般 。另外，想赞下个服务员 ，因为我原本点左田园沙律但想净系要生菜及额外加菠萝粒，咁个服务员都好有礼貌帮我问下厨房，最后都满足我要求 。整体来说，朋友同我都好满意呢次介绍，系值得再去既餐厅。