德國餐廳 (翠怡花園) (已搬遷) 新店位置

今日朋友嚟咗大埔海滨公园放风筝 🪁 玩到咁上下就顺便系大埔呢区食埋饭，佢话想食德国菜，所以我就带咗佢嚟呢间德国餐厅。餐厅装修用上木材同砖头打造出德国风格，令整个用餐氛围更好。主菜未嚟之前叫左罗马生菜包牛小扒 🥩 生菜好爽口，包住肉汁丰富嘅五成熟牛小扒，无得顶超级正。🤤香肠拼盘除咗有三款德国香肠外，底下仲有炸薯角，饱肚感十足 😋 每款香肠都各有特色，有几款仲系爆汁。德国咸猪手非常大只，而伴碟就系非常醒胃嘅酸菜同透心凉嘅薯仔沙律，餐厅非常细心将猪手切好先上枱，猪手外皮脆卜卜，内裹肉肥瘦适中。