德國餐廳 (博文街) (已結業)

黎到大角咀，估唔到位于内街呢度都有间呢正既德国餐厅，位置就比较近奥运站多d，虽然店舖细细，但装修一d都唔马虎，都唔少德国特色既装饰，所以气氛都唔错，系门口仲有唔少椅可以比大家叉叉电。佢就主打友呢只手工啤，但今次黎到就已经卖晒，所以转左饮只德国啤，都几有甘甜味，唔错。薯片都系大路果只美国粟米片，但佢就配左个秘制酱汁，有少少辣同埋酸酸地，几过瘾，食落都几开胃，做前菜就几唔错。猪手方面，炸得岩到好处，d皮够晒脆同新鲜，连埋层猪油食，配埋啤酒，真系好难抵抗呀猪肋骨佢就煮到系弹牙爽口，咬落去有阵肉既回弹，好有口感，唔会似d煲过汤果d猪肉咁，仲配埋个芝士薯蓉，真系岩到好处。薯条方面，都够晒新鲜香口，够晒脆。