Texas Burger (已結業)

过到黎天后开工，以为中午食饭时段会相对中环、湾仔等地区少人，但依家原来无论边度都好多人。时间关系要快快觅食，走到电器道。十字路口街角有间burger，美式风格嘅装修睇落几吸引，午餐价钱最平$78，难得过到黎，一于试下。朋友最终俾餐牌上嘅新菜式 - 瑞士拉可雷特芝士牛肉汉堡($98)所吸引，而我最近因为食得太多好野，就点左个青苹果软壳蟹沙律($98)。唔知大家有无见过外国人将热溶芝士轮嘅中心，一层一层咁刮啲芝士出黎嘅片段。果只芝士，就系正正系raclette cheese。个人觉得呢只芝士味都几浓，可能对外国人只系小意思，但香港人未必啱味。同朋友分一半个burger黎食，完全估唔到将浓味嘅芝士配上其他新鲜配料，大大减低油腻感仲有果阵芝士味，令我喜出望外。汉堡包面烘得脆身，牛肉汉堡肉汁丰富，洋葱蓉惹味。蘑菇配芝士，永远都系好拍档，加上蛋黄酱，味道又几夹。我地异口同声都话薯条炸得好味。口感食落似薯角或者薯格，外层香脆得黎又有咬口。青苹果软壳蟹沙律又系另一惊喜之作。软壳蟹原只上，大大只之余，入面仲有好多蟹膏，私心俾左一百分。食完浓味嘅芝士牛肉汉堡，再黎一个清新嘅沙律真系刚刚好。青苹果爽脆香甜，