德國餐廳 (Mikiki)

营业中

休息中

新蒲岗mikiki商场地下有一列餐厅包含咗各国美食，今次就拣咗德国菜das bier！户外嘅小灯饰颇有格调，餐厅有露天座位，照顾到吸烟嘅顾客，不过好气氛只限于好天气，寒冬炎夏落雨天就比较麻烦喇。餐厅装修简单雅致，墙上有一大幅德国地图，可以边食德国菜，边了解德国地理同城市分布。食德国菜就紧系要食猪手，我哋拣咗比较特别嘅咸蛋黄猪手。猪手皮脆肉嫩，配上酸菜同薯仔，份量足够两至三个人，加埋咸蛋黄酱，呢个中西结合嘅配搭创新得嚟又几夹。Carbonara嘅浓稠酱汁挂上每条意粉，加上火腿，好味。每枱都有个酒桶，不过我哋酒量一般，都系每人一杯算喇，如果一班人食饭，相信叫一桶咁饮会几好气氛。