德美壽司 (新都城中心1期) (已結業)

今日系将军澳食晚饭。呢间德美寿司之前黎过一次外卖，质素几好！今次黎试试堂食。定食有生有熟食，但系今晚决定唔食丼饭或定食，因为晏d仲有宵夜食，所以拣d贵夹唔饱嘅高级料理顶顶肚先。主餐牌有薄切刺身，空运直送刺身，其他刺身，寿司，卷物，手卷，丼物，沙律，渍物珍味，前菜，扬物，天妇罗，烧物，串烧，一品料理，锅物，饭面等等。落单用QR code，我哋拣左个日本真鲷薄切同火炙和牛寿司。一落单就即刻上左个柚子醋加葱花俾我哋，系用黎点日本真鲷薄切，好香，好特别。日本真鲷薄切 $178另加一餐牌写明有16－18片日本真鲷薄切，上枱数数足有18片。摆盘超靓，撒上清香柚子皮屑，中间放有昆布加小黄菊，成朵花咁靓！真鲷超薄切，非常新鲜，质感实在够干身而有鱼味，配佢哋特制嘅柚子醋加葱，好正，高质之选!火炙和牛寿司一件 $48另加一和牛超薄切，火炙完基本上得一成熟，好香，牛味好浓，再加d葱花减少少腻。个饭份量的的骰骰，沾左d牛血同牛汁，好味道。食完仲每人送一件蕨饼加黄豆粉，免费黎讲算唔错。装修好日式，坐得都舒服。特别欣赏d餐具好精致，令人赏心悦目。